"Атлетико" ярим ҳимоячиси Конор Галлахер Чемпионлар Лигаси 1/8 финалидан ўрин олган "Реал"га қарши ўйиндан сўнг (1:2) ўз фикрларини билдириб ўтди.
"Реал" - топ-жамоа, ўйлайманки, биз яхши ўйин кўрсатдик. Менимча, бу муносиб ўйин бўлди. Биз яхшироқ натижага эришишни истардик, аммо жавоб ўйинида курашамиз.
Альварес нореал гол урди. Лекин бу мени ажаблантирмайди, чунки у топ-ўйинчи ва катта ишонч билан ўйнайдиган топ-йигит.
Мухлисларимиз қаршисида ҳар қандай жамоани мағлуб эта олишимизни ҳис қиляпмиз. Мухлислар бизни қўллаб-қувватламоқда ва бу ёрдам бермоқда. Ўйинни сабрсизлик билан кутамиз," - деди Галлахер TNT Sports нашрига.
