Трент Александр-Арнольднинг "Ливерпуль"дан "Реал"га ўтиши эҳтимоли ҳақида матбуотда анчадан бери ёзишмоқда. Мадрид клуби 26 ёшли ўнг қанот ҳимоячиси бўйича келишувни ёпишга ишонаётгани ҳақида маълумотлар пайдо бўлганди. Шу билан бирга, "қаймоқранглилар"га "қизиллар"нинг яна бир ҳимоячиси - Ибраима Конате қизиқ. Бу ҳақда «Liverpool Confidential» нашрига таяниб, «Daily Mail» хабар бермоқда.
"Ливерпуль" ҳозирча Конате билан шартномани узайтириш борасида келишиб олгани йўқ. 25 ёшли французнинг амалдаги меҳнат шартномаси 2026 йилнинг ярмигача мўлжалланган. "Реал" яқин ёзда Конате билан шартнома имзолашга уриниб кўриши ёки футболчини текинга қўлга киритиш учун бир йил кутиши мумкин.
Нуфузли «Transfermarkt» портали Конатени 50 миллион еврога баҳоламоқда.
