"ПСЖ"нинг грузиялик ҳужумчиси Хвича Кварацхелия Чемпионлар Лигаси 1/8 финалининг дастлабки ўйинида "Ливерпуль"га қарши кечган баҳсдаги мағлубият (0:1) ҳақида гапирди.
"Бизда гол уриш учун кўплаб вазиятлар бўлди. Биз уларга бугун яхшироқ бўлганимизни кўрсатдик. Ғалаба ёки ҳеч бўлмаганда дурангга лойиқ эдик, аммо бу футбол. Жавоб учрашувига тайёргарлик кўрамиз, "Энфилд"да қийин бўлади. Худди шундай ўйнаш ва гол уриш керак," - дея Кварацхелиянинг сўзларини келтиради RMC Sport.
Кварацхелия ўйинни асосий таркибда бошлади ва 78-дақиқада захирага олинди.













