"Бавария" дарвозабони Йонас Урбиг жамоадаги дебюти ҳақида фикр билдирди.
21 ёшли футболчи Чемпионлар лигаси 1/8 финалидан ўрин олган “Байер”га (3:0) қарши ўйиннинг 58-дақиқасида жароҳат олган Мануэль Нойернинг ўрнига захирадан майдонга тушди.
"Мен Мануга тезроқ тузалиб кетишини тилайман. Умид қиламанки, бу жуда жиддий эмас. Шу билан бирга, Чемпионлар лигасидаги дебютимдан хурсандман.
Мухлислар мени шундай ижобий муносабат билан қабул қилгани қувонарли.
Мен бунга эътибор қаратдим, бор этиборимни ўйинга қаратдим ва охирги ярим соат ичида гол ўтказиб юбормаслик учун ҳамма нарсани қилдим", - дея янги мюнхенлик футболчининг сўзларини келтиради Bayern & Germany.
