“Аталанта” ярим ҳимоячиси Эдерсон ҳамон Европа футболи гигантлари қизиқиш марказида бўлиб қолмоқда.
Журналист Николо Скиранинг хабар беришича, бразилиялик футболчига "Ювентус" ва Англия премьер-лигасининг бир қанча вакиллари қизиқиш билдирмоқда.
"Кекса синьора"нинг техник директори Криштиану Жунтоли ўтган қишдаёқ ярим ҳимоячи ҳақида маълумот сўраган эди.
Transfermarkt экспертлари Эдерсоннинг нархини 50 миллион еврога баҳоламоқда. 25 ёшли футболчи жорий мавсум “Аталанта” сафида 39 та ўйинда майдонга тушиб, 4 та гол урди ва 2 та голли узатмани амалга оширди.
Аввалроқ Бергамо клуби юлдузига "Манчестер Юнайтед", "Манчестер Сити" ва "Реал Мадрид" клублари қизиқиш билдираётган эди.
