"Байер" ярим ҳимоячиси Гранит Жака Чемпионлар лигаси 1/8 финалининг "Бавария"га қарши биринчи ўйинидан сўнг ўз фикрларини билдириб ўтди.
Учрашув 5 март куни Мюнхен клуби аренасида бўлиб ўтди ва мезбонларнинг 3:0 ҳисобидаги ғалабаси билан якунланди.
"Ҳисоб 1:0 бўлиб турганда ҳали ҳам бизда имконият бор эди. Иккинчи гол бизнинг хатомиз туфайли содир бўлди.
Қизил карточка бизнинг хатомиз натижасида юзага келди.
Аммо биз ўзимизга ишонишимиз керак. Бизда учта гол уриш учун 90 дақиқа бор. Ҳали ҳамма нарса содир бўлиши мумкин", деди швейцариялик футболчи журналистларга берган интервьюсида.
