"Фенербахче" бош мураббийи Жозе Моуриньо "Галатасарой"нинг ирқчилик айбловлари ҳақида гапирди. У аввалроқ рақиб жамоанинг ўринбосарлари ва мураббийлари “маймундек сакрашаётганини” айтганди. Шундан сўнг у икки ўйинга дисквалификация олди.
"Улар менинг ўтмишим ҳақида билишмагани учун менга ҳужум қилишлари ақлсиз эди. Улар менинг Африка, африкаликлар, африкалик футболчилар ва хайрия ташкилотлари билан алоқаларим ҳақида билишмасди.
Қандай одам эканлигимни ҳамма билади. Менинг ёмон фазилатларим ҳақида ҳамма билади, лекин бу улардан бири эмас. Бунинг акси! Энг муҳими, мен кимлигимни биламан ва ирқчиликда айбланиб ҳужум қилиш нотўғри танлов эди", - дейди Моуриньо.
