"Fenerbaxche" bosh murabbiyi Joze Mourinyo "Galatasaroy"ning irqchilik ayblovlari haqida gapirdi. U avvalroq raqib jamoaning o‘rinbosarlari va murabbiylari “maymundek sakrashayotganini” aytgandi. Shundan so‘ng u ikki o‘yinga diskvalifikasiya oldi.
"Ular mening o‘tmishim haqida bilishmagani uchun menga hujum qilishlari aqlsiz edi. Ular mening Afrika, afrikaliklar, afrikalik futbolchilar va xayriya tashkilotlari bilan aloqalarim haqida bilishmasdi.
Qanday odam ekanligimni hamma biladi. Mening yomon fazilatlarim haqida hamma biladi, lekin bu ulardan biri emas. Buning aksi! Eng muhimi, men kimligimni bilaman va irqchilikda ayblanib hujum qilish noto‘g‘ri tanlov edi", - deydi Mourinyo.
