"Интер" "Бавария" ярим ҳимоячиси Жошуа Киммих учун курашга қўшилди. Бу ҳақда TEAMtalk хабар бермоқда.
Манбанинг таъкидлашича, Милан клубида юлдуз немисни қўлга киритиш учун яхши имконият бор. "Нерадзуррилар" Киммихга 6 миллион евро маош билан 4 йиллик шартнома таклиф қилишга тайёр. Ярим ҳимоячи учун "Ливерпуль" ва "Арсенал" ҳам курашмоқда.
Олдинроқ немис ОАВлари “Бавария” раҳбарлари Киммихга янги шартнома таклифини қайтариб олишга қарор қилгани ҳақида хабар берган эди. Ярим ҳимоячининг Мюнхендаги келажаги сўроқ остида қолмоқда.
Жорий мавсумда германиялик футболчи Бундеслигада “Бавария” сафида 23 та ўйин ўтказиб, 1 та гол урди ва 6 та голли узатмани амалга оширди.
