"Ливерпуль" ҳужумчиси Дарвин Нуньес келаси ёзда вазиятни ўзгартирмоқчи.
Уругвайлик футболчининг кетиши ҳақида анчадан бери гап-сўзлар юрибди ва энди «El Nacional» хабарига кўра, футболчининг ўзи "қизиллар" сафини тарк этишни ният қилган. Ҳужумчи келаси ёзда қўйиб юборилишига умид қилмоқда. 25 ёшли футболчига Мадриднинг "Атлетико" клуби қизиқиш билдирмоқда.
Аввалроқ, Дарвин Нуньес учун асосий даъвогар Саудия Арабистонининг "Ан-Наср" клуби бўлиб, у қишда трансферни амалга оширишга тайёр эди, аммо "Ливерпуль"дан рад жавобини олди.













