"Виктория" ўз майдонида Европа Лигаси 1/8 финал дастлабки ўйинида "Лацио"га ютқазди - 1:2.
Учрашувнинг 18-дақиқасида Италия жамоаси ҳимоячиси Алессио Романьоли ҳисобни очди. Мезбонлар танаффусдан сўнг дарҳол жавоб голини уришди. 77-дақиқада меҳмонлар 10 киши бўлиб қолди, Николо Ровелла қизил карточка олди. Қўшиб берилган дақиқаларда римликлар ҳимоячиси Самуэль Жиго майдонни тарк этди, аммо "Лацио" тўққиз киши бўлиб гол уриб, ғалаба қозонди. Густав Исаксен ўзини кўрсатди.
Жавоб учрашуви бир ҳафтадан сўнг, 13 март куни Италияда бўлиб ўтади. Ўйин Тошкент вақти билан 22:45 да бошланади.
