“Челси” футболчиси Коул Палмер охирги марта 14 январь куни гол урган эди.
Ўшандан бери футболчи бирорта ҳам гол ура олмади. "Аристократлар" бош мураббийи Энцо Мареска бу борада фикр билдирди.
"Гол урганингизда, эҳтимол сиз бахтлироқ бўласиз, чунки голларингиз жамоага ғалаба қозонишга ёрдам беради.
Аммо умуман олганда, Коул яхши. У бахтли, бу даврда гол уриш унга қийин бўлганини билади. Шунингдек, у мавсум давомида бундай серия содир бўлиши нормал ҳолат эканлигини тушунади. Палмер машғулотларда яхши, у ажойиб кўринади", деди Мареска матбуот анжуманида.
