Мадриднинг "Реал" клуби 2025-йилги клублар ўртасидаги жаҳон чемпионатида ғалаба қозонса, 145 миллион евро ишлаб олади, бу "Атлетико" ғалаба қозонган тақдирда оладиганидан 15 миллион евро кўпроқ. Бу ҳақда Marca хабар бермоқда.

Манбага кўра, "қаймоқранглилар" турнирдаги иштироки учун 35 миллион евро ишлаб олади - бу бошқа ҳар қандай клубдан кўпроқ. "Матрасчилар" бюджетни 20 млн еврога тўлдиради.

Таъкидланишича, ФИФА клублар ўртасидаги жаҳон чемпионати ғолибига 37 млн евро тўлайди. Мусобақа финалчиси 28 млн евро ишлаб топади. Шунингдек, клубларга турнирнинг бошқа босқичларидан ўтиш ҳам маълум миқдорда фойда келтиради.

2025 йилги клублар ўртасидаги жаҳон чемпионати 15 июндан 13 июлгача АҚШда бўлиб ўтади.