"Кўк-анорранглилар" шифокори Карлес Миньярро Гарсиянинг вафоти туфайли бекор қилинган Каталониянинг "Барселона" ва "Осасуна" жамоалари ўртасидаги баҳс қачон ўтказилиши мумкинлиги маълум бўлди.
AS журналистларининг маълум қилишича, Испания чемпионати 27-тур учрашуви 26 апрель ёки 21 май куни бўлиб ўтади. Ханс-Дитер Флик шогирдлари Европа Чемпионлар Лигаси ва Испания Кубогида қаергача етиб боришига қараб, якуний сана танланади.
Испания чемпионатининг 26 ўйинидан сўнг "Барселона" 57 очко жамғариб, пешқадамлик қилмоқда. "Осасуна" эса 33 очко билан 12-поғонада бормоқда.
