"Барселона" шифокори Карлес Миньярро Гарсия вафот этганидан сўнг клубнинг "Осасуна"га қарши ўйини бекор қилинди. "Кўк-анорранглилар" президенти Жоан Лапорта воқеа ҳақида баёнот берди.

"Барcелона" номидан мен биринчи жамоанинг шифокори Карлес Миньярро Гарcиянинг вафоти ҳақида хабар бермоқчиман. Бу биз учун жуда қадрли инсон эди. У бугун тушда жамоанинг машғулот лагерида вафот этди. Тасаввур қилишингиз мумкинки, ўйинчилар, ходимлар, мураббий ҳамма жуда қайғурди, катта қайғу ҳолати юзага келди. Биз ҳаммамиз бу одамни яхши кўрар эдик. У фақат ўйинчиларга эмас, ҳаммага ёрдам берарди. У ҳеч кимни рад этмасди. У буюк шифокор эди.

Бу вақт ичида кучли бўлишимиз керак. Энг яхши нарса - ўйинни кўчиришни сўраш эди. Биз дарҳол Ла Лига президенти билан боғланиб, нима бўлганини тушунтирдик. Улар ҳаммасини яхши тушунишди ва барча тўхтатиш тартиблари бошланди.

Биз "Осасуна"дан уларнинг президенти номидан максимал тушунишни олдик. Улар ҳамма нарсани биринчи лаҳзада тушундилар. Улар жуда ажойиб муносабат билдиришди. Ҳакамлар ҳам ҳамма нарсани яхши тушунишди ва мен уларга тушуниш учун раҳмат айтмоқчиман.

Бу "Барcелона" учун жуда оғриқли янгилик. Биз шок ҳолатида турибмиз. Бу жуда кутилмаган эди. Ўйинчилар жуда қайғуга тушишди. Биз унинг онаси ва рафиқаси билан боғландик. Биз уларга максимал қулайлик таъминламоқчимиз. Карлеснинг икки фарзанди, Жерард ва Анна қолди. Биз уларга керак бўлган ҳамма нарсада ёрдам берамиз.

Биз клубнинг барча аъзолари ва ўйинни кўриш учун келган мухлислардан тушунишларини сўрадик. Ўйиннинг тўхтатилишини эълон қилганимизда, мухлислар бизни тўлиқ қўллаб-қувватладилар. Мен уларга ҳаммасига раҳмат айтмоқчиман", - деди Лапорта.