"Милан" ҳужумчиси Рафаэль Леау жамоасининг "Лечче"га (3:2) қарши ўйиндаги муваффақияти ҳақида фикр билдирди.
Серхио Консейсау шогирдлари 68-дақиқагача 0:2 ҳисобида ортда қолиб, якунда уч очкони тортиб олишга муваффақ бўлишди.
Леау иккинчи бўлим бошланишидан олдин захирадан майдонга тушди ва битта голли узатмани амалга оширди.
"Ҳаммамиз ғалаба қозонишга интилган эдик, лекин афсуски иккита голимиз инобатга олинмади. Лекин биз ўзимизга ишонишда давом этдик ва якунда ғалаба қозонишга муваффақ бўлдик.
Биз ғалаба қозониш учун ҳамма нарсани қилдик", деди португалиялик форвард ўйиндан кейинги интервьюсида.
