"Milan" hujumchisi Rafael Leau jamoasining "Lechche"ga (3:2) qarshi o‘yindagi muvaffaqiyati haqida fikr bildirdi.
Serxio Konseysau shogirdlari 68-daqiqagacha 0:2 hisobida ortda qolib, yakunda uch ochkoni tortib olishga muvaffaq bo‘lishdi.
Leau ikkinchi bo‘lim boshlanishidan oldin zaxiradan maydonga tushdi va bitta golli uzatmani amalga oshirdi.
"Hammamiz g‘alaba qozonishga intilgan edik, lekin afsuski ikkita golimiz inobatga olinmadi. Lekin biz o‘zimizga ishonishda davom etdik va yakunda g‘alaba qozonishga muvaffaq bo‘ldik.
Biz g‘alaba qozonish uchun hamma narsani qildik", dedi portugaliyalik forvard o‘yindan keyingi intervyusida.
