"Арсенал" бош мураббийи Микель Артета АПЛ 28-туридан ўрин олган "Манчестер Юнайтед"га қарши ўйинда жамоа муваффақиятсизликка учраганини изоҳлади.
Жамоалар ўртасидаги баҳс 9 март, якшанба куни Манчестер шаҳридаги "Олд Траффорд" стадионида бўлиб ўтди ва 1:1 ҳисобида дуранг билан якунланди.
"Биринчи бўлимда ажойиб ҳаракат қилдик, аммо рақиб дарвозабонини синаб кўрмадик. Бизда ажойиб вазиятлар бўлди, аммо зарба ёки сўнгги узатма етишмади. Биз бу вазиятлардан фойдаланмадик, шошилдик, яккакурашларда ютқаза бошладик ва якунда мағлубиятга учрашимиз мумкин эди. Баъзида имкониятлардан фойдаланиш қобилиятимиз етишмайди. Тўп мос келадиган футболчига бориши ва у зарба бериши керак," - дея Артетанинг сўзларини келтиради BBC.
