"Ювентус" бош мураббийи Тьяго Мотта А Серия доирасида "Аталанта"дан учралган йирик мағлубиятдан сўнг (0:4) ўз фикрларини билдириб ўтди.
"Биз жуда хафа бўлдик ва афсусдамиз. Энди скудетто ҳақида ҳеч қандай гап бўлмайди. Биз шунчаки олдинга силжишимиз керак.
Биз лигада иккинчи энг ёш жамоага эгамиз. Биринчи ўтказиб юборилган голдан сўнг, футболчилар руҳий жиҳатдан қийналишди, издан чиқишди.
Қийин бўлишини билардик. Биз шубҳали пенальтидан кейин ҳужумга куч ташламоқчи эдик, аммо "Аталанта" қарши ҳужумларда яхши эди," - деди Мотта DAZN билан суҳбатда.
