Швейцариянинг “Базель” клуби аъзоси Парк Жу Хо Ливан билан бўлган ўйиндан икки кун аввал терма жамоа ихтиёрига етиб келди. Бош мураббий футболчига ортиқча босим бўлишини билдириб захирада қолдирди. Аммо яқинлашаётган Ўзбекистон ва Эронга қарши учрашувларда уни майдонга туширишни режалаштирмоқда.
Парк Жу Хо жорий мавсумда “Базель” сафида Чемпионлар лигаси ва Европа лигасида “Манчестер Юнайтед”, “Тоттенхем” ва “Челси” каби жамоаларга қарши ўйинларда қатнашди ва тажрибасини оширди. Футболчи Корея матбуотига берган қисқача интервюсида: "Базель” сафида бир қанча муваффақиятли ўйинларни ўтказиб, энди терма жамоамиз билан ЖЧ йўлланмасини нақд қилиш ниятида келдим. Ливан билан бўлган ўйинни захира ўриндиғида кузатдим ва ўзимни тикан устидадек ҳис қилдим ўзимни. Қолган учрашувларда энг юқори натижани қўлга киритган ҳолда Бразилия йўлланмасига эга чиқишимиз керак. Ўзбекистон билан ўйиндаги ғалаба бизни деярли ЖЧга олиб чиқишини ҳаммамиз англаб турибмиз. Хуллас, бизни ҳал қилувчи баҳслар кутмоқда", дейди Швейцариянинг “Базель” клуби футболчиси
Отабек Йўлдошев, Сеул.
