«Арсенал» бош мураббийи Микел Артета АПЛдаги чемпионлик пойгаси ҳақида берилган саволга кескин муносабат билдирди.
Эслатиб ўтамиз, лондонликлар кечаги баҳсда «Манчестер Юнайтед»ни мағлуб эта олмади ва энди «Ливерпул»дан 15 очко орқада қолмоқда.
Учрашувдан сўнг Артета журналистларнинг саволларига жавоб берди ва жамоанинг натижадан қаттиқ хафа бўлганини тан олди.
Бир нечта саволлардан кейин журналистлардан бири ундан «Ливерпул» билан чемпионлик пойгаси ҳақида сўраганида, испаниялик мутахассис матбуот вакилларига раҳмат айтиб, шунчаки зални тарк этди.













