«Ливерпуль»нинг собиқ бош мураббийи Юрген Клопп қайси трансфердан воз кечганидан энг кўп афсусланишини ошкор қилди.
Дортмунднинг «Боруссия» клубида ишлаган даврида мутахассис «Гамбург»нинг ёш ва истиқболли ўйинчиси Сон Хёнг Минни ўз жамоасига қўшиш имкониятига эга бўлган.
«Мен Сонни трансфер қилмадим, ўшанда у «Гамбург»да эди, адашмасам. Уни нега олиб келмаганимни ҳам эслай олмайман. Кейин уни Англия премьер-лигасида кўрганимда: «Мен қандай аҳмоқман!» деб ўйладим. Бу ақлбовар қилмас ҳолат. Аммо бу, деярли, менинг ягона афсусларимдан бири», — дейди Клопп Liverpool.com нашрига берган интервьюсида.













