«Liverpul»ning sobiq bosh murabbiyi Yurgen Klopp qaysi transferdan voz kechganidan eng ko‘p afsuslanishini oshkor qildi.
Dortmundning «Borussiya» klubida ishlagan davrida mutaxassis «Gamburg»ning yosh va istiqbolli o‘yinchisi Son Xyong Minni o‘z jamoasiga qo‘shish imkoniyatiga ega bo‘lgan.
«Men Sonni transfer qilmadim, o‘shanda u «Gamburg»da edi, adashmasam. Uni nega olib kelmaganimni ham eslay olmayman. Keyin uni Angliya premyer-ligasida ko‘rganimda: «Men qanday ahmoqman!» deb o‘yladim. Bu aqlbovar qilmas holat. Ammo bu, deyarli, mening yagona afsuslarimdan biri», — deydi Klopp Liverpool.com nashriga bergan intervyusida.













