Чоршанба оқшомида "Атлетико" ва "Реал Мадрид" Чемпионлар лигаси 1/8 финалининг жавоб учрашувини ўтказади.
Матбуот анжуманида "Лос-Бланкос" бош мураббийи Карло Анчелоттидан унинг жамоаси ўйиндан кейинги серияларда пенальтилар тепишда машқ қиляптими ёки йўқми деб сўрашди.
"Мақсадимиз аниқ: биз чорак финалда ўйнашни истаймиз. Аммо пенальтилар сериясини машқ қилиш қийин, чунки атрофдаги муҳит ёки психологик вазиятни такрорлашнинг иложи йўқ.
Биз ҳозир бу ҳақда ўйламаймиз. Биз ҳозир ўйинни қандай яхши режалаштириш ҳақида ўйлаяпмиз", - деди Анчелотти матбуот анжуманида.
