ОФК ташкилоти Элит ОЧЛ чорак финал босқичига қуръа ташлаш билан боғлиқ айрим деталларни эълон қилди.
Шарқ минтақасида рейтингда 1-ўринни эгаллаган "Ал-Ҳилол" қуйидаги сеткада «1А» позицияга, Ғарб минтақасида етакчи бўлган "Йокогама Маринос" клуби эса «3А» позициясига жойлаштирилади.
Қолган клублар эса қуръа натижасида бошқа ўринларга жойлаштирилади. Хусусан, Ғарбнинг қолган жамоалари 2A, 3B ёки 4B жойлардан ўрин олади; Шарқ жамоалари эса 1B, 2B ёки 4A позицияларига қўйилади.
Чорак финалда Ғарб минтақаси клублари фақат Шарқ минтақаси жамоалари билан тўқнаш келади (яъни бир минтақа жамоалари ўзаро тўқнаш келмайди).
Шарқ минтақаси:
Ал-Ҳилол (Саудия Арабистони) — «1А»
Ал-Аҳли (Саудия Арабистони)
Ан-Наср (Саудия Арабистони)
Ас-Садд (Қатар)
Ғарб минтақаси:
Йокогама Маринос (Япония) — «3А»
Кавасаки Фронтале (Япония)
Квангжу (Жанубий Корея)
Бурирам Юнайтед (Таиланд)
Мусобақа тақвими:
1-чорак финал: 25 апрель, жума
2 ва 3-чорак финал: 26 апрель, шанба
4-чорак финал: 27 апрель, якшанба
1-ярим финал: 29 апрель, сешанба
2-ярим финал: 30 апрель, чоршанба
Финал: 3 май, шанба (King Abdullah Sports City Stadium)
Мусобақанинг ғолибига 12 миллион АҚШ доллари миқдоридаги рекорд соврин тақдим этилади.
Қуръа ташлаш маросими 17-март куни Тошкент вақти билан соат 12:00 да бошланади.
