"Милан"нинг асосий ҳимоячиси клуб билан шартномасини узайтирмоқчи.
Журналист Николо Шкиранинг фикрича, Тео Эрнандеснинг устувор варианти "Милан"да қолиш, шунинг учун у клубдан янги шартнома бўйича таклифни кутишда давом этмоқда.
Унинг "россонерилар" билан амалдаги шартномаси 2026 йилнинг июн ойи охиригача амал қилади. "Милан" футболчи билан ҳамкорликни давом эттириш борасида келишувга эриша олмаса, кейинги трансфер ойнасида уни сотишга тайёр. Қайд этилишича, 27 ёшли франциялик бу ёзда жамоани тарк этишни истамаяпти.
Жорий мавсумда Тео Эрнандес “Милан” сафида барча турнирлар доирасида 38 та ўйин ўтказиб, 4 та гол ва 5 та голли узатмага муаллифлик қилган.