"Манчестер Юнайтед" бош мураббийи Рубен Аморим Европа Лигаси 1/8 финал жавоб ўйинида "Реал Сосьедад"га (4:1) қарши кечган баҳс ҳақида фикр билдирди.
"Яхши ўйин бўлди. Жисмоний тайёргарлик бор эди. Испанияда футболчилар кейинги босқичга чиқишимиз мумкинлигини ҳис қилишди ва бутун ҳафта давомида жамоа бунга тайёр эканлигини ҳис қилишди. Четлатишдан олдин ҳам бизнинг устунлигимиз сезилиб турарди.
"Лион" билан эса бошқача бўлади, чунки улар ҳам биз каби жисмоний жиҳатдан кучли чемпионатда ўйнайди. Ғалаба қозонишнинг бошқа йўлларини топишимиз керак ва биз бунга тайёр бўламиз," - дея Аморимнинг сўзларини келтиради УEФА матбуот хизмати.
