Италия матбуоти Сержиу Консейсау учун ўринбосарлар ҳақида бонг урмоқда, катта эҳтимол билан португалиялик мавсум якунида истеъфога чиқарилади, шундан сўнг янги мураббий билан янги цикл бошланади. Сўнгги кунларда Массимилиано Аллегри номзоди кўп тилга олинди, аммо "Милан"да яна бир номзод бор.
У "Комо"нинг ҳозирги устози, ўтмишда машҳур бўлган испаниялик ярим ҳимоячи Сеск Фабрегас. Quotidiano Sportivo нашрининг таъкидлашича, у клуб раҳбарияти томонидан кейинги мавсум учун тузилган рўйхатдан ўрин олган. Шунингдек, шорт-листга Роберто де Дзерби, Маурицио Сарри, Жан-Пьеро Гасперини ва Винченцо Итальяно каби фамилиялар киради.
