Ламин Ямал ўзига нисбатан ирқчилик ҳақоратлари ҳақида гапирди.

Эслатиб ўтамиз, 26 октябрь куни "Сантьяго Бернабеу"да бўлиб ўтган "Реал" - "Барселона" ўйинида (0:4) баъзи томошабинлар Ламин Ямални ҳақоратлаган эди.

"Онам жуда хавотирда эди, чунки у мени хафа бўлади деб ўйларди. У хавотирланиб, менга қўнғироқ қилди, лекин мен жуда хурсанд эдим, чунки биз 4:0 ҳисобида ғалаба қозонгандик. Агар биз ютқазганимизда, эҳтимол, одамлар менга нима учун у ёки бу нарсани гапириши ҳақида ўйлаб кўрган бўлардим.

Охир-оқибат, ҳаётдан завқланиш керак, кимдир сизни ҳақорат қилса, у буни ёмон қадриятларга эга бўлгани учун қилади. Аммо, нима бўлганда ҳам, улар ғазабланишди, чунки мағлуб бўлишди," - деди "Барселона" вингери DAZN'га берган интервьюсида.