"Галатасарой"да ижара асосида тўп тепаётган "Наполи" ҳужумчиси Виктор Осимхен фаолиятини Саудия Арабистонида давом эттириши мумкин.
Маълум бўлишича, 26 ёшли нигериялик форвард хизматига "Ал-Ҳилол" клуби қизиқиш билдирмоқда, клуб вакиллари футболчининг трансфери бўйича музокараларни бошлаб юборган. Қайд этилишича, саудияликлар Осимхен учун 75 миллион евро товон пули тўлашга тайёр.
Бу мавсумда ҳужумчи барча мусобақаларда 29та ўйинда майдонга тушиб, 23та гол урди ва бешта ассист муаллифи бўлди.