"Реал" дарвозабони Тибо Куртуа Испания чемпионатининг 28-туридан ўрин олган "Вильярреал"га (2:1) қарши ўйинни сарҳисоб қилди.
"Биз ўйнашимиз керак бўлган вақтда ўйнаймиз, аммо чоршанба куни 120 дақиқа ўйнаганимиздан кейин шанба куни ўйнаш нормал ҳолат эмас. Ўйинни ёмон бошладик, лекин бу нормал ҳолат. Биз жуда чарчаганмиз. Ла Лига учта гранд жамоанинг ўйинини бир кунга белгилашни истамаяпти. АПЛда Чемпионлар лигасида иштирок этувчи жамоалар бир кунда ўйнайди. Бу жамоага ва футболчиларимизга нисбатан ҳурматсизлик эди, чунки кимдир жароҳат олиши мумкин эди," - дея Куртуанинг сўзларини келтиради Real Madrid TV.













