"Милан"да ижара асосида тўп тепаётган "Челси" ҳужумчиси Жоау Феликснинг келажаги ҳақида маълумотлар пайдо бўлди.
Журналист Фабрицио Романога маълум бўлишича, айни пайтда "Милан" Феликсни тўлиқ сотиб олиш борасида "Челси" билан ҳеч қандай музокара ўтказмаяпти. Қолаверса, ҳозирча "россонерилар"нинг бундай суҳбат ўтказиш режаси ҳам йўқ.
Айтиш керакки, футболчининг ижара шартномаси уни сотиб олиш имкониятини назарда тутмайди, аммо "Челси" португалияликни сотишга рози бўлса, трансфер амалга ошиши мумкин.
"Милан" сафида 25 ёшли Феликс 10 та учрашувда қатнашиб, 1 та гол урди ва 1 та ассистни ўз ҳисобига ёздириб қўйди.
