"Боруссия" Д жамоа марказий ҳимоячиси Нико Шлоттербекни клубнинг келажакдаги юзи ва потенциал сардорига айлантирмоқчи, дея хабар бермоқда Флориан Плеттенберг.
Манбага кўра, клубдаги спорт билан боғлиқ вазият туфайли янги шартнома бўйича музокаралар ҳозирча тўхтатилган, аммо "Боруссия Д" унинг ҳозирги маошини деярли икки баробарга, яъни 5-6 млн еврога оширишни режалаштирмоқда.
Қайд этилишича, бошқа клублар ҳам қизиқиш билдиришда давом этмоқда ва агар Дортмунд еврокубокларга чиқа олмаса, трансфер истисно қилинмайди, аммо Шлоттербек муваффақиятсизликка учраган тақдирда ҳам қолиш имкониятига очиқ.
Футболчининг амалдаги шартномаси 2027 йилнинг 30 июнида ўз ниҳоясига этади.
Шлоттербек "Фрайбург"дан 20 млн евро эвазига 2022 йилнинг июлида Дортмунд клубига ўтган.
