Лондон клуби "Реал"нинг икки ёш юлдузи - Родриго Гоэс ва Эндрикни нишонга олган, дея хабар бермоқда Fichajes нашри. Бунинг учун "кўклар" 180 миллион еврога етиши мумкин бўлган таклиф тайёрламоқда: Родриго учун 100 миллион, Эндрик учун 80 миллион евро.

24 ёшли Родриго ўзининг универсаллиги, тезкорлиги ва энг масъулиятли вазиятларда вазиятларни ҳал қила олиши билан мадридликлар ҳужумида асосий фигурага айланди. Унинг "Реал"га ўтганидан кейинги тараққиёти доимий бўлиб, Карло Анчелоттининг тактик схемаларида алмаштириб бўлмайдиган ўйинчига айланди.

18 ёшли Эндрикка келсак, унинг истеъдоди катта умидларни уйғотмоқда ва "Челси" уни жаҳон футболининг бўлажак юлдузи сифатида кўрмоқда.

Катта миқдордаги таклифга қарамай, "Реал" бу футболчиларнинг ҳеч бири билан хайрлашмоқчи эмас, аммо "Челси" икки бразилияликни ўз сафига қўшиб олиш учун қўлидан келган барча ишни қилишга тайёр.

Қўшимча қиламизки, бу мавсумда Родриго "Реал" сафида барча мусобақаларда 41 та ўйинда 13 та гол ва 8 та голли узатмани амалга оширди, Эндрик эса 496 дақиқада 6 та гол урди.