"Бавария"дан ижара асосида "Осасуна" шарафини ҳимоя қилаётган испаниялик вингер Брайан Сарагоса "Атлетико" эътиборига тушди. Ижара варианти энг реал кўринади.
23 ёшли футболчи аллақачон Испания чемпионатида ўз иқтидори ва салоҳиятини намойиш этишга улгурган ва "Бавария" унинг ривожланишига катта эътибор қаратган. Аммо Мюнхендагилар унинг "Атлетико"да доимий ўйин амалиётига эга бўлиши кераклигини тушунишади.
"Атлетико" спорт раҳбарияти вазиятни диққат билан кузатиб бормоқда, чунки ижара катта молиявий харажатларсиз таркибни кучайтириш имконини берарди. "Бавария" ҳам футболчининг Испанияда қолишига қарши эмас.
Қўшимча қиламизки, бу мавсумда Сарагоса "Осасуна" сафида барча мусобақаларда 22та ўйинда 1та гол ва 5та голли узатмани амалга оширди.
