"Милан" Лондоннинг "Челси" клубидан ижарага олинган португалиялик ҳужумчи Жоау Феликс борасида бир қарорга келди. Бу ҳақда инсайдер Николо Шкира ижтимоий тармоқлар орқали хабар бермоқда.
Манбанинг хабарига кўра, "россонерилар" 25 ёшли футболчини сотиб олиш ниятида эмас. Шундай қилиб, Жоау ижара шартномаси тугагач, Лондонга қайтади.
Аввалроқ матбуотда италиялик гранднинг Феликсни 40 миллион еврога сотиб олиш имконияти борлиги ҳақида хабарлар тарқалган эди. Жорий мавсумда португалиялик миланликлар сафида ўнта ўйин ўтказди. Ҳужумчи битта гол ва битта голли узатмани амалга оширди.
