Португалия терма жамоаси ҳимоячиси Диогу Далот ҳужумчи Криштиану Роналду ҳақида гапирди.
"Криштиануни таърифлаш учун кўпроқ сўз топиш қийин. Мен учун ва бошқалар учун ҳам терма жамоада у билан бирга ўйнашни давом эттириш, лаҳзаларни баҳам кўриш ва унинг тажрибасини, кучини ва Португалия учун йирик турнирларда ғалаба қозониш истагини ўзлаштириш жуда катта шарафдир. Агар у Португалия терма жамоаси билан имкон қадар кўпроқ турнирларда ғолиб чиқса, ажойиб ҳикоя бўларди. Ҳамма буни хоҳлайди" - деди Далот журналистларга.
Криштиану Роналду Португалия терма жамоаси билан Европа чемпионати ва Миллатлар лигасида ғолиб чиқди.
