Килиан Мбаппе Адриен Рабьога қаратилган ҳақоратларга муносабат билдирди.  

Лига 1нинг 26-туридан ўрин олган «ПСЖ» – «Марсель» (3:1) учрашувида парижлик мухлислар собиқ футболчи Адриен Рабьо ва унинг агенти ҳисобланган онаси Вероникка қарши ҳақоратомуз баннерлар кўтаришди.  

«Мен Адриен билан гаплашдим, у бу вазиятни оғир қабул қилмоқда. Бу осон эмас. Бундай ҳолатда бўлиш қандай эканини кўпчилик билмайди.  

Мен тушунмайман. Гап фақат шу воқеага ёки «ПСЖ»га тегишли эмас. «Лион»да ҳам Брэдли [Барколя] билан шундай бўлган.  

Нега оилалар ҳақида гапиришади, тушунмайман. Бу яхши эмас ва ғалати. Мен шундай деб ўйлайман. Кимнингдир онаси ёки отаси ҳақида гапириш… Агар сиз ёмон мақола ёзсангиз, мен сизнинг қизингиз ҳақида гапирмайман. Бу ахмоқлик.  

Бундай ҳолатлар тобора кўпайиб бормоқда. Умид қиламанки, бу вазият қандайдир ўзгаришларга сабаб бўлади ва ибрат бўлади. Биз бунақалардан чарчадик. Чегара бор, уни босиб ўтиш керак эмас. Биз бундай ҳолатларни кўришни хоҳламаймиз», – деди «Реал» ва Франция терма жамоаси ҳужумчиси.