"Фиорентина" ярим ҳимоячиси Николо Фаджиоли "Ювентус"ни тарк этиш ҳақидаги қарорига изоҳ берди.
"Мен "Ювентус"да 11 йил ўтказдим, шунинг учун декабрь ойи охирида кетишга қарор қилганимда, кўнглим тинчланди. Лекин хайрлашиш вақти келганида йиғладим. Бу менга қаттиқ таъсир қилди. Ўзим ҳам сезмай йиғладим.
Ўша куни мен ҳаётимнинг катта бўлимини ёпаётганимни англадим: таниш жойлар, жамоадошлар, кундалик тартибни ортда қолдириб. Бу мен учун ҳақиқий травма эди", деди Николо.
Шу қишда Николо Фаджиоли "Фиорентина"га мавсум охиригача ижара асосида ўтганди. Бироқ Флоренция клубида 24 ёшли италиялик ярим ҳимоячини 16 миллион еврога сотиб олиш мажбурий варианти бор.
