Мадриднинг "Реал" клуби ва Германия терма жамоаси марказий ҳимоячиси Антонио Рюдигер Миллатлар лигаси чорак финалидан ўрин олган Италияга қарши ўйин олдидан журналистлар билан суҳбатлашди.
Икки ўйиндан иборат қарама-қаршиликнинг биринчи беллашуви пайшанба куни, жавоб ўйини эса уч кун кейин бўлиб ўтади.
"Германия ва Италия терма жамоалари ўртасидаги рақобат улкан тарихга эга. "Сан-Сиро"да ўйнашни интизорлик билан кутяпман.
Лучано Спаллетти билан яна учрашганимдан жуда хурсандман, у фаолиятимда муҳим роль ўйнади. У "Рома"даги энг яхши жиҳатларимни ёшлигимда Германиядан келганимда очиб берганди. У менга кўп нарсани ўргатди, аммо умид қиламанки, биз унинг жамоасини мағлуб эта оламиз. Бу қийин бўлади - италияликларда ажойиб футболчилар ва ажойиб мураббий бор," - дея Рюдигернинг сўзларини келтиради Football Italia.
