Украина терма жамоаси етакчиларидан бири Александр Зинченко Миллатлар лигасининг плей-офф ўйинида Бельгия устидан қозонилган ғалаба (3:1) ҳақида гапирди.
"Ижобий натижа, танаффусда тўғри хулосалар чиқарилди. Иккинчи бўлимга чиқдик ва ўйинни ўзгартира олдик.
Бельгия ҳар қандай вазиятда ҳам топ-жамоа. Биз майдонда қолишимиз керак, кейинги ўйин бутунлай бошқача бўлишини тушунамиз, чунки улар ўз уйларида ўйнашади, трибуналар уларни олдинга суради. Бельгия терма жамоасида қандай футболчилар борлигини ҳамма билади, шунинг учун биз тайёрланяпмиз, тикланишимиз керак.
Йигитларнинг бугун жароҳат олгани жуда ачинарли. Умид қиламанки, улар жиддий жароҳатлардан қочиб, тезроқ тузалиб кетишади", - деди Зинченко.
