Миллатлар лигаси плей-офф босқичининг А дивизионига чиқиш учун ўтказилган дастлабки ўйинида Украина Бельгияни мағлуб этди.
Меҳмонлар посбони Тибо Куртуа жамоасининг кутилмаган мағлубияти ҳақида фикр билдирди.
Дарвозабоннинг фикрича, асосий сабаб ўтказиб юборилган биринчи голдан кейин жамоа ўзини йўқотган.
"Ўйин бошланишини ҳисобга олмаганда, дастлабки 45 дақиқада биз ўйинни яхши назорат қилдик. Иккинчи бўлимда Украина шиддатли ўйнади, деб ўйлайман ва биз вазиятлар яратиш учун жой топишимиз керак эди, аммо биз буни уддалай олмадик.
Биринчи гол индивидуал хатодан кейин киритилди. Биз хотиржамликни сақлашимиз керак эди, биз буни қилмадик. Украина ишончли ҳаракат қила бошлади ва биз хотиржамликни сақлаш ўрнига уни бутунлай йўқотдик. 15 дақиқа ичида учта гол ўтказиб юбориш ёқимли эмас, лекин биз иккинчи ўйинда яхшироқ ўйнашимиз мумкинлигини биламиз.
Биринчи голдан сўнг бизда ўн дақиқа вақт бор эди, биз ёмон ташкиллашдик, биз жуда кўп жой қолдирдик ва бунинг учун товон тўладик. Лекин биз хотиржам бўлишимиз керак, бу янги мураббий билан биринчи ўйин, биз унинг нима истаётганини тушунишимиз керак.
Бу биз учун энг яхши бошланиш эмас, лекин баъзида бундай мағлубиятни қабул қилишга тўғри келади. Якшанба куни энг яхши ўйинимизни ўтказишимиз, яхшироқ ҳужум қилишимиз, яхшироқ ҳимоя қилишимиз керак. Якшанба куни биз биринчи дақиқаларданоқ кучли тарзда бошлашимиз керак", - деди Куртуа RTL Info билан суҳбатда.
