«Барселона» футболчилари Рафинья Диас ва Рональд Араухо Испания чемпионатининг 27-тури доирасида қолдирилган «Осасуна»га қарши ўйинга улгуриши мумкин.
25 мартдан 26 мартга ўтар кеча куни Уругвай Боливияга қарши саралаш учрашувини ўтказади (Тошкент вақти билан 01:00).
26 март куни Бразилия Аргентина билан баҳс олиб боради (05:00).
27 март куни «Барселона» ўз майдонида «Осасуна»ни қабул қилади.
Diario Sport хабарига кўра, Рафинья ва Араухо ўйинлардан сўнг Мадриднинг «Реал» ва «Атлетико» клублари футболчилари билан биргаликда Буэнос-Айресдан хусусий самолётда Испанияга йўл олади.
Самолёт учадиган футболчилар рўйхати:
Хосе Хименес, Федерико Вальверде (Реал)
Науэль Молина, Родриго Де Пол, Анхель Корреа, Хулиан Альварес (Атлетико)
Эндрик, Винисиус Жуниор (Реал)
Боливия – Уругвай ўйини Аргентина – Бразилия баҳсидан бир неча соат олдин тугайди, бу эса уругвайлик футболчиларга Буэнос-Айресга етиб келиш учун имкон беради.
Рафинья ва Араухо 27 март куни кечга бориб Барселонага етиб келиши кутилмоқда. Улар «Осасуна»га қарши ўйинда захирадан майдонга тушиши мумкин.
