Артуро Видал Чили ва Парагвай ўртасидаги ўйинда мухлисларга баҳсли имо-ишора кўрсатди.

ЖЧ-2026 саралаш учрашуви Парагвайда бўлиб ўтди.

71-дақиқада ҳисоб 0:1 бўлган вақтда "Ювентус," "Бавария," "Барселона" ва "Интер" собиқ футболчиси алмаштирилди. Парагвайлик мухлислар майдонни тарк этаётган Видалга ҳуштакбозлик қилишди.

Бунга жавобан 37 ёшли хавбек футболкадаги мамлакат гербига қўл теккизди ва мухлисларга икки бармоғини кўрсатиб, Чилининг Америка Кубогидаги икки ғалабасига ишора қилди (2015 ва 2016 йиллар). Парагвай ҳам икки марта ушбу турнирда ғолиб чиққан (1953, 1979).

Учрашув Парагвайнинг 1:0 ҳисобидаги ғалабаси билан якунланди. Чили 13 ўйинда 9 очко тўплаган ҳолда саралашда сўнгги ўринда бормоқда. Парагвай 13 турдан кейин 20 очко билан ўнта жамоа орасида бешинчи ўринни эгаллаб турибди.