Хорватия терма жамоаси бош мураббийи Златко Далич 23 март куни бўлиб ўтадиган Миллатлар Лигаси 1/4 финалининг Францияга қарши жавоб ўйинидан нималарни кутмоқда.
"Ўйинни 2 та тўп фарқи билан бошлаймиз, аммо бунга эътибор қаратмаймиз. Ҳисобни 0:0 кўринишида бошлаймиз. Бутун ўйин давомида ҳимоялана олмаймиз. Биламизки, Франция жуда тажовузкор бўлади, имкон қадар тезроқ гол уришга ҳаракат қилади, аммо биз тайёрмиз. Биз керакли натижа учун курашамиз.
Агар олдинга ўтишни истасак, Сплитдагидан ҳам яхшироқ ўйнашимиз керак. Ҳеч бир жамоа Франция терма жамоасига қарши фаворит эмас, уларда юқори савияли футболчилар бор," - деди Далич.
Биринчи ўйинда Хорватия Сплитда Францияни 2:0 ҳисобида мағлуб этди.
