Испания терма жамоаси бош мураббийи Луис де ла Фуэнте 23 март куни бўлиб ўтадиган Миллатлар Лигаси 1/4 финалидан ўрин олган Нидерландияга қарши жавоб ўйинидан нималар кутаётгани ҳақида гапирди.

"Мен ўз футболчиларимдан бундан ортиғини талаб қила олмасдим (биринчи ўйинда). Яхши рақибга қарши ўйнадик. Биз кўпроқ яккакурашларда ғалаба қозондик, ҳужумларни яхши якунладик. Улар жуда кучли ва бу ўйин финалга муносиб эди.

Меҳмондўстлик ва қўллаб-қувватлов учун Валенсия шаҳрига алоҳида миннатдорлик билдирмоқчиман. Ишончим комилки, эртага атмосфера тарихий бўлади," - деди де Фуэнте.

Дастлабки учрашув 2:2 ҳисобида якунланди.