"Манчестер Сити" клуби ва Ўзбекистон терма жамоаси ҳимоячиси Абдуқодир Ҳусанов мухлислардан бирига дастхат қўйишдан бош тортди. Мухлис Мадриднинг "Реал" клуби футболкасига имзо қўйишни сўраган, бироқ рад жавобини олган.

Ҳусанов "шаҳарликлар" билан шартнома мажбуриятлари туфайли мухлиснинг илтимосини бажармаган. Ҳимоячи фақат "Манчестер Сити" ва Ўзбекистон миллий жамоаси либосида дастхат қолдириши мумкин.

Абдуқодир 2025 йилнинг январида "Манчестер Сити" сафига қўшилганди. Ҳимоячи ва "шаҳарликлар" ўртасидаги амалдаги шартнома 2029 йилнинг ёзигача мўлжалланган. Унинг трансфер нархи 35 миллион еврога баҳоланмоқда.