Бокс бўйича жаҳон ва олимпиада чемпиони Баҳодир Жалолов футбол бўйича Ўзбекистон миллий жамоаси истиқомат қилаётган меҳмонхонага ташриф буюрди.
Ҳужумчи Элдор Шомуродов боксчига "Рома" футболкасини совға қилган бўлса, Жалолов унга бокс қўлқопини ҳадя қилди. Шунингдек, Баҳодир футболчилар — Элдор Шомуродов ва Аббос Файзуллаев билан бирга суратга тушди.
Боксчи ушбу суратларни Инстаграмдаги ўзининг саҳифасига жойлаб: "Эронга қарши ўйинда омад тилайман!", дея изоҳ ёзди.