Италиянинг "Милан" клуби бош мураббийи Сержиу Консейсау клубга ўтиш сабаблари ҳақида гапирди.
Португалиялик мураббийнинг сўзларига кўра, у бу клуб билан Чемпионлар лигасида ғалаба қозонишни реал деб ҳисобламоқда.
"Мен дунёнинг энг яхши чемпионатларидан бирида мураббийлик қилишни хоҳлардим. Менинг орзум, ҳатто мақсадим ҳам бор – Чемпионлар лигасида ғалаба қозониш. Шунинг учун "Милан"га "ҳа" дедим.
Мен қандай қийинчиликларга дуч келаётганимни билардим, трансфер кампаниясини ўтказаётган мен эмасман, лекин натижани кўрсатишим керак эди.
Бу менинг фаолиятимдаги асосий мақсадимга яқинлашишимга ёрдам берадиган ақл бовар қилмайдиган клуб", - дейди Сержиу Консейсау.
