Миллатлар лигасида Канадага мағлуб бўлгач, АҚШ бош мураббийи Маурисио Почеттино жамоа ЖЧ-2026 учун оптимал формада бўлишига ишонч билдирди.
“Менимча, бизда вақт бор. Агар бир йилдан кейин биз ҳозир бўлган вазиятга тушиб қолсак, мен сизга шундай дейман: "Хюстон, бизда муаммо бор". Жамоа яхшироқ ўйнаши учун энг яхши стратегияни топа олмадик ва ишлаб чиқа олмадик. Аммо вақт бор ва мен бу мағлубият бир йилда эмас, ҳозир бўлишини афзал кўраман", - дея Почеттино сўзларини келтиради Goal.com
24-март, душанба куни АҚШ терма жамоаси КОНКАКАФ Миллатлар лигасининг учинчи ўрин учун ўйинида Канадага 1:2 ҳисобида имкониятни бой берди.
